ما ينحني راسي إلى صار مرفوع
وإلى انحنى ر اسي برجلي وطيته
قصر الكلام أنهيت أنا كل موضوع
ومن لا بغاني صاحبٍ ما بغيته
أخطيت أنا مير الخطا غير مرجوع
واللي على الجفوى صمولٍ نسيته
بعادي أحسن لي من أنى أعيش موجوع
وحب يبي ينهي حياتي نهيته
ما عندي امهالٍ ولا وقت للدموع
قلب يساوم ع الكرامة عصيته
لا وألف لا..عاصي ولا أطيع له طوع
أنا كتبت الحب وأنا محيته
قولوا لي إنسانٍ غدى شاذ بالنوع
قلبي ولو إنه كرهني رميته
واليوم جاء للخاتمة شمس وطلوع
يمحي ظلام سنين..جاني وجيته
والحر.. ما يحتاج له يحني ظلوع
والجمر..لين احرق يديني كليته
موضوع: (ما ينحني راسي إلى صار مرفوع ) 
الأربعاء مارس 19, 2008 12:06 am
