عطني جوابـــك

الكلمه اللي قلتها يا اريـش العيـن
وش مقصدك يالترف عطني جوابك
وش قدرك للكلمـه اللـي تقوليـن
كيف القدر يازين بالـدرب جابـك
قولك لفاني زود الجـرح جرحيـن
رميتني يازيـن باوسـط عذابـك
قصدك موده والاقصـدك تشقيـن
والا تبي بالجوف تطعـن حرابـك
عطني الصراحه من شفاياك يازين
لا تودع المجبور يطـرد سرابـك
ترى الحقيقه منك يازيـن تكفيـن
مشكور الى انك قلتها من إعذابـك
قلب العناء من سبتك لاعـه البيـن
يرجي مطركم يوم خايل سحابـك
وده بشوفك كـان تقـدر توافيـن
على بساط الـود يطلـب عتابـك
عذري معك من غاية الشعر بيتيـن
نبي نجس النبـض ونطـق بابـك
هاذي سلوم اهل الهوى والمحبيـن
أكرر المطلـوب عطنـي جوابـك